2025-ci ilin yanvar-noyabr aylarında Naxçıvan Muxtar Respublikasında maaşların orta həddi 2024-cü ilin eyni dövrü ilə müqayisədə 5,2% artaraq 813 manata çatıb.
Bu barədə Yurd.Media-ya Naxçıvanın Dövlət Statistika Komitəsindən bildirilib.
Xatırladaq ki, ötən ilin 11 ayında Azərbaycan iqtisadiyyatında muzdla çalışan işçilərin orta aylıq nominal əməkhaqqı əvvəlki ilin eyni dövrünə nisbətən 9,3% artaraq 1 089 manat təşkil edib.
Başqa sözlə, Naxçıvanda maaş artımı ölkə üzrə orta göstəricidən təxminən 2 dəfə azdır.
