2025-ci ilin yanvar–aprel aylarında Naxçıvanda fəaliyyət göstərən kredit təşkilatlarının kredit qoyuluşunun həcmi 435 milyon 760.9 min manat təşkil edib.
Yurd.Media Mərkəzi Bankın Naxçıvan İdarəsinin məlumatlarına əsasən xəbər verir ki, bu, 2024-cü ilin müvafiq dövrü ilə müqayisədə 7,54% çoxdur.
Kredit qoyuluşunun demək olar ki, tamamı milli valyutada – 435 milyon 758,5 min manat həcmində həyata keçirilib. Xarici valyutada isə cəmi 1,4 min ABŞ dolları məbləğində kredit verilib.
Ümumi kredit portfelinin 47,8%-i və ya 208 milyon 419,3 min manatı istehlak kreditlərinin payına düşüb.
