Naxçıvan Muxtar Respublikası gələn ildən etibarən sahibkarlar üçün ən cəlbedici region olacaq.
Yurd.Media xəbər verir ki, 2026-cı ilin dövlət büdcəsi layihəsi çərçivəsində Vergi Məcəlləsinə nəzərdə tutulan dəyişikliklərə əsasən qarşıdakı 10 ildə Muxtar Respublikadakı bütün rezidentlər vergidən azad ediləcəklər.
Vergidən azad edilmə dövrü 2026-cı ilin əvvəlindən başlayacaq. Təklif olunan dəyişikliyə əsasən, Naxçıvandakı rezidentlərin 2026-cı il yanvarın 1-dən 10 müddətinə mənfəət (gəlir), əmlak, torpaq və sadələşdirilmiş vergidən, həmin ərazinin rezidenti olan hüquqi şəxslərin səhmdarlarının (payçılarının) dividend gəlirlərinin isə 2026-cı il yanvarın 1-dən etibarən 10 il müddətinə vergidən azad edilməsi nəzərdə tutulur.
