Azərbaycandakı vergi ödəyicilərinin 12%-i kommersiya qurumudur

Bu il oktyabrın 1-nə Azərbaycanda 1,653 milyon vergi ödəyicisi olub ki, bunun da 12,15%-ni və yaxud 201 minini kommersiya qurumları təşkil edib.

Bu barədə Yurd.Media-ya İqtisadiyyat Nazirliyi yanında Dövlət Vergi Xidmətindən bildirilib.

Son 1 ildə vergi ödəyicilərinin sayı 4,8%, kommersiya qurumlarının sayı isə 8% artıb.

Dövlət qeydiyyatında olan kommersiya hüquqi şəxslərinin 91,9 %-i məhdud məsuliyyətli cəmiyyət, 1,1 %-i səhmdar cəmiyyət, 1,1 %-i kooperativ, qalanı isə digər formalarda yaradılıb.