Azərbaycanda ipoteka krediti alanların sayı açıqlanıb

Bu günədək İpoteka və Kredit Zəmanət Fondunun (İKZF) xətti ilə 55 950 borcalana 3,675 milyard manat kredit verilib.

Yurd.Media xəbər verir ki, bu barədə İKZF-dən məlumat verilib.

Bundan başqa, zəmanət və subsidiyalar verilmiş kreditlərin məbləği 581 milyon manata bərabər olub.

8 253 mənzil isə kirayəyə vermək yolu ilə realizə edilib.

Qeyd edək ki, İKZF 2017-ci ilin sonunda “Azərbaycan İpoteka Fondu” və “Kredit Zəmanət Fondu” ASC-lərin birləşməsi nəticəsində yaradılıb və onların hüquqi varisidir.