Azərbaycanda iqtisadi artım sürətləndi

Bu ilin yanvar-sentyabr aylarında Azərbaycanda 95 milyard 229,2 milyon manatlıq və yaxud ötən ilin eyni dövrü ilə müqayisədə 1,3 % çox ümumi daxili məhsul istehsal olunub.

Bu barədə Yurd.Media-ya Dövlət Statistika Komitəsindən bildirilib.

Məlumata əsasən, son 1 ildə iqtisadiyyatın neft-qaz sektorunda əlavə dəyər 1,9% azalıb, qeyri neft-qaz sektorunda isə 2,9% artıb.

Xatırladaq ki, yanvar-avqust aylarının yekununda ölkədə iqtisadi artım 1% təşkil edib.