Qala qəsəbəsində müntəzəm marşrutun hərəkət sxemi UZADILDI

Bakının Xəzər rayonunun Qala qəsəbəsində "Xaşaxuna" massivi sakinlərinin müraciətləri nəzərə alınaraq, 141E nömrəli müntəzəm marşrutun hərəkət sxemi bir istiqamət üzrə 4 kilometr uzadılıb.

Yurd.Media xəbər verir ki, bu barədə Azərbaycan Yerüstü Nəqliyyat Agentliyindən (AYNA) məlumat verilib.

Bildirilib ki, dəyişiklik nəticəsində "Koroğlu" Nəqliyyat Mübadilə Mərkəzindən (NMM) Qala qəsəbəsi istiqamətində sərnişinlərin ictimai nəqliyyata çıxış imkanları əhəmiyyətli dərəcədə yaxşılaşdırılacaq.