Lənkəran rayonunun Sinovlu kəndinin bərbad yolları sakinləri təngə gətirib.
Yurd.Media xəbər verir ki, bu günə qədər ərazidə yalnız səthi işlər aparılsa da, yol əsaslı şəkildə təmir olunmayıb.
Məsələ ilə bağlı "Bakı TV"yə danışan Azərbaycan Avtomobil Yolları Dövlət Agentliyindən (AAYDA) bildirilib ki, Lənkəran rayonu ərazisində yerləşən Sinovlu kəndinə gedən avtomobil yolunun mövcud vəziyyəti ilə bağlı daxil olan müraciətlərə əsasən, qeyd olunan yolun yenidən qurulması nəzərdə tutulur.
Yolun yenidən qurulması işləri Azərbaycan Respublikasının regionlarının sosial-iqtisadi inkişafı Dövlət Proqramına daxil edilib.
