Naxçıvandakı tarixi İsmayıl xan hamamı bərpa olunacaq.
Bu barədə Yurd.media-ya Naxçıvan Muxtar Respublikası Mədəniyyət Nazirliyindən məlumat verilib. XVIII əsr memarlıq abidəsi “İsmayıl xan hamamı”nın bərpası üçün layihə-smeta sənədlərin hazırlanmasına başlanılıb.
Qeyd edək ki, Hamam Azərbaycan Respublikası Nazirlər Kabinetinin 2 avqust 2001-ci ildə verdiyi 132 nömrəli qərarı və Naxçıvan Muxtar Respublikası Nazirlər Kabinetinin 2007-ci il 21 noyabr tarixli 98 nömrəli qərarı ilə ölkə əhəmiyyətli memarlıq abidələri siyahısına salınıb. 2005-ci ildə isə hamam əsaslı şəkildə bərpa olunub.
