Azərbaycan Premyer Liqasında 29-cu turun ikinci oyunu keçirilib.
Yurd.Media xəbər verir ki, Qəbələdə şəhərin eyniadlı komandası "Araz-Naxçıvan"ı qəbul edib.
Qəbələ şəhər stadionundakı qarşılaşmada qalib müəyyənləşməyib - 1:1.
76-cı dəqiqədə qonaqların futbolçusu Ömər Buludov avtoqol müəllifi olub. 83-cü dəqiqədə İssuf Paro tarazlığı bərpa edib.
Bu nəticədən sonra Naxçıvan klubu 40 xalla altıncı, "Qəbələ" 20 xalla 11-ci pillədə qərarlaşıb.
Qeyd edək ki, günün ilk görüşündə "Sumqayıt" "İmişli"ni iki cavabsız qolla üstələyib.
Tura aprelin 27-də yekun vurulacaq.