Azərbaycan Premyer Liqasının VIII turunda iki oyun keçirilib.
Yurd.Media xəbər verir ki, əvvəlcə "İmişli" öz meydanında "Turan Tovuz"u qəbul edib.
Yevlax şəhər stadionunda baş tutan görüş meydan sahiblərinin 1:0 hesablı qələbəsi ilə başa çatıb.
Meydan sahiblərinin heyətində yeganə qolu 25-ci dəqiqədə Dioqo Rollo vurub.
Bu nəticədən sonra xallarının sayını 7-yə çatdıran "İmişli" turnir cədvəlində 9-cu pillədə qərarlaşıb. "Turan Tovuz" isə 14 xalla 4-cü pillədə qalıb.
Günün və turun sonuncu matçında "Kəpəz" "Zirə"ni qəbul edib.
Gəncə stadionunda baş tutan matç 1:1 hesablı heç-heçə ilə yekunlaşıb.
Hesabı ev sahiblərindən 57-ci dəqiqədə Blessinq Olabiran açıb. Qonaqlar məğlubiyyətdən yalnız final fitinə 1 dəqiqə qalmış xilas ola biliblər - 89-cu dəqiqədə David Volkov başla dəqiq oynayıb.
"Zirə" 12 xalla altıncı sıradadır. "Kəpəz" isə 11 xalla yeddinci pillədə qərarlaşıb.
Xatırladaq ki, turun əvvəlki oyunlarında "Şamaxı" "Şəfa"nı (3:2), "Sumqayıt" "Araz-Naxçıvan"ı (2:1), "Sabah" - "Qəbələ"ni (4:0), məğlub edib. "Qarabağ" - "Neftçi" oyununda qalib müəyyənləşməyib - 3:3.
