Azərbaycan Premyer Liqasında VIII tura yekun vurulub.
Yurd.Media xəbər verir ki, turun son oyun günündə "Bank Respublika Arena"da "Zirə"ni qəbul edən "Sabah" 3:0 hesablı qələbəyə sevinib.
Meydan sahiblərinin heyətində Aron Maluda (42) və Velko Simiç (45+2, 75) fərqləniblər.
"Bayquşlar" 14 xalla turnir cədvəlinin üçüncü pilləsində qərarlaşıb. "Zirə" isə 13 xalla altıncıdır.
Bağlanış matçında isə "Neftçi" və "Araz-Naxçıvan" kollektivləri qarşılaşıblar.
"Palms Sports Arena"da keçirilən oyunda 2:2 hesablı bərabərlik qeydə alınıb.
Ev sahiblərinin heyətində Bassala Sambu (19) və Emin Mahmudov (55) fərqləniblər. Qonaqların heyətində isə Ba-Muaka Simakala (36, 47) dubl müəllifi olub.
Qeyd edək ki, turun daha əvvəl keçirilən görüşlərində "Kəpəz" "Şamaxı"nı, "Sumqayıt" "Karvan-Yevlax"ı (hər ikisi 4:1), "Qarabağ" "Turan Tovuz"u (2:1) məğlub edib. "İmişli" - "Qəbələ" görüşündə isə qalib müəyyənləşməyib - 2:2.
