“Unibank Kommersiya Bankı” Açıq Səhmdar Cəmiyyəti daha bir müştərisinə qarşı iddia qaldırıb.
Yurd.Media-nın əldə etdiyi məlumata görə, bank kredit müqaviləsi üzrə mübahisələrə dair məsələnin həll olunması ilə bağlı Nizami Rayon Məhkəməsinə müraciət edib və borclu Əli Həsənovdan (ad-soyad şərtidir) borcun tutulması tələbinə dair qətnamə çıxarılması istənilib.
İddia ərizəsinə görə, borcludan 4000 manat əsas borc, 570.25 manat faiz borc tutularaq banka ödənilməsi istənilib. Məhkəmə iddia tələbini təmin edib.
Bank tərəfindən daha bir iddiaya ilə bağlı Nizami Rayon Məhkəməsinə müraciət edilib. Borclu Həsən Əliyevdən (ad-soyad şərtidir) 450 manat əsas borc, 57,9 manat faiz borcunun cavabdehdən tutulması istənilib. Məhkəmə bu iddianı da təmin edib.
Qeyd edək ki, 2025-ci ilin 9 ayının nəticələrinə görə "Unibank"ın vaxtı keçmiş kreditlərinin həcmi 42,3 milyon manat təşkil edib. Bank bu göstəriciyə görə ölkə bankları arasında ilk onluqdadır. Bu səbəbdən əvvəl də yazdığımız kimi onlarla iş məhkəməyə gedib çıxır.
