"Leysan xarakterli yağış nəticəsində Ağsu rayonunun Kalva kəndi ərazisindən keçən çaya sel gəlməsi səbəbindən xəsarət alan və Şamaxı Rayon Mərkəzi Xəstəxanasına hospitalizasiya olunan üç nəfərdən (kişi cinsli) ikisinin vəziyyəti kafi olaraq qiymətləndirilir və onlar Terapiya şöbəsinə köçürülüblər".
Yurd.Media xəbər verir ki, bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.
Bildirilib ki, digər şəxs vəziyyəti qənaətbəxş olduğundan ambulator müalicə üçün evə buraxılıb.
Xatırladaq ki, aprelin 16-da Ağsuda güclü sel ekskavatoru aşırıb. Ekskavatorda olan dörd nəfərdən biri hadisə yerində ölüb. Digər üç nəfər müxtəlif dərəcəli bədən xəsarətləri alıb.
