Qara Məryəm–İsmayıllı–Şəki avtomobil yolunun Şəkinin Oraban kəndindən keçən hissəsində yol-nəqliyyat hadisəsi baş verib.
Yurd.Media "İctimai TV"-yə istinadən xəbər verir ki, Şəki rayon sakini, 31 yaşlı Nicat Hacı Hüseynovun idarə etdiyi "Kia" markalı minik avtomobili yoldan çıxaraq aşıb.
Qəza nəticəsində sürücü və avtomobildə olan sərnişin – rayon sakini, 26 yaşlı Pərvanə Güləhmədova müxtəlif dərəcəli bədən xəsarətləri alıblar. Hər iki yaralı Təcili Tibbi Yardım briqadasının köməyi ilə Şəki Rayon Mərkəzi Xəstəxanasına çatdırılıb. Hazırda onların müalicəsi davam etdirilir.
