Qubada daha bir kəndin rayon mərkəzi ilə ən yaxın əlaqəsi kəsildi

Qubanın Sofikənd kəndində yağan leysan yağışları səbəbindən Cağacuqçayda güclü sel baş verib.

Yurd.Media "Xəzər TV"yə istinadən xəbər verir ki, Sofikənd ilə Aşağı Kardaş kəndə gedən yol da bağlanıb.

Sakinlərin sözlərinə görə məktəblilər dərsə gedə bilmir, işıq dirəkləri isə tamamilə sıradan çıxıb.

Quba Rayon İcra Hakimiyyəti və Fövqəladə Hallar Komissiyası əraziyə baxış keçirərək akt tərtib edib. Bildirilib ki, Sofikənd istiqamətində körpünün inşası ilə bağlı aktlaşdırma aparılır.