"İBEC GROUP" Məhdud Məsuliyyətli Cəmiyyəti nizamnamə kapitalını 150 dəfə artırıb.
Yurd.Media-nın əldə etdiyi məlumata görə, cəmi 1010 manat nizamnamə kapitalı olan tikinti şirkətinin təsisçiləri 150 min manat maya qoyublar.
Naxçıvanda qeydiyyatdan keçmiş "İBEC GROUP" MMC 2018-ci ildən memarlıq, dizayn, tikinti (inşaat) və texnika icarəsi xidmətləri göstərir. Hazırda şirkətin 30 min manata yaxın vergi borcu mövcuddur.
MMC-nin direktoru Bəxtiyar Əhmədovdur. Onun qanuni təmsilçisi kimi çıxış etdiyi, Naxçıvanda maşın və mexanizmlərin ehtiyat hissələrinin satın alınması üzrə irihəcmli tenderlərin qalibi olmuş "Avto Mexanika" MMC-nin də dövlətə 130 min manata qədər vergi borcu üzə çıxıb.
