Bakıda fəaliyyət göstərən "Cinema Plaza" hotelinin vergi borcu daha artıb.
Yurd.Media xəbər verir ki, vergi sistemində şirkətin borcunun 3 ay ərzində 15 min manat artaraq 151 min manata çatdığı göstərilir.
Bu müddət ərzində hotelin direktoru da dəyişib. Belə ki, Nəsimi Tağıyevin yerinə rəhbər postda Validə Rüstəmova təyin olunub.
Qeyd edək ki, Bakıda Səməd Vurğun küçəsi 183 ünvanında yerləşən "Cinema Plaza" Məhdud Məsuliyyətli Cəmiyyət 2021-ci ildən fəaliyyət göstərir. Beşulduzlu hotelin 55 nömrəsi, restoran və SPA mərkəzi mövcuddur.
