Qubadlı rayonu Əliyar Əliyev adına Qəzyan kənd tam orta məktəbində su problemə çevrilib.
Yurd.Media xəbər verir ki, məktəbdə antisanitar vəziyyət xəstəlik mənbəyinə çevrilib.
Təhsil müəssisəsində bəzi sanitar qovşaqların qapıları da sınıqdır.
Sakinlər “ATV Xəbər”ə bildiriblər ki, məktəbin rəhbərliyi ötən il dəyişsə də, problem öz həllini tapmayıb.
Məsələ ilə bağlı məktəb rəhbərliyindən bildirilib ki, kranda problem olduğundan su sızıntısı baş verib. Bu səbəbdən sanitar qovşağa suyun verilməsi dayandırılıb. Yaxın zamanlarda isə sanitar qovşaqda təmir-bərpa işləri aparılacaq.
