Peşə təhsili ilə bağlı imzalanan təhsil tələbə kreditləri ümumi müqavilələrin heç 1 faizinə çatmır.
Yurd.Media xəbər verir ki, Təhsil Tələbə Krediti Fondu (TTKF) yaranandan (2021-ci ilin noyabr ayından) bu günə qədər imzalanan təhsil tələbə kredit (TTK) müqavilələrinin sayı açıqlayıb.
Belə ki, bu müddətdə dövlət ali təhsil müəssisələrində 62 150, özəl təhsil müəssisələrində isə 16 923 kredit müqaviləsi bağlanılıb.
Ən böyük müqavilə sayı 54 689 kreditlə (69,2%) bakalavriat pilləsinə məxsusdur. Magistratura səviyyəsində 18 703 (23,7%), orta ixtisas təhsili üzrə 5 061 (6,4%), peşə təhsili üzrə isə 620 kredit müqaviləsi (0,7%) imzalanıb.
