Azərbaycan Memarlıq və İnşaat Universitetinin (AzMİU) ərazisində layihələndirilən tədris korpusunun yenidənqurulmasına başlanılır.
Yurd.Media "İqtisadiyyat.az"ay istinadən xəbər verir ki, AzMİU yenidənqurma işləri ilə bağlı "Safari" şirkəti ilə müqavilə bağlayıb. Müqaviləyə əsasən, ali məktəbin tədris korpusunun yenidənqurulması 2 milyon 320 min manata başa gələcək.
Xatırladaq ki, daha əvvəl Bakı Dövlət Universitetinin (BDU) 1 saylı tədris korpusunda maliyyə dəyəri 25 milyon manat proqnozlaşdırılan təmir işləri aparılacağı barədə məlumat dərc olunub.
