Bu ilin I yarısında Dövlət Neft Fondu (ARDNF) təhsillə bağlı dövlət proqramlarına 14,4 milyon manat vəsait yönəldib.
Bu barədə Yurd.Media-ya Fonddan bildirilib.
Məlumata görə, bu, ötən ilin eyni dövrü ilə müqayisədə 40,75% azdır.
O, cümlədən ARDNF-in “2019-2023-cü illər üçün ali təhsil sisteminin beynəlxalq rəqabətliliyinin artırılması üzrə Dövlət Proqramı”na ayırmaları 2 dəfə azalaraq 2,1 milyon manat, “Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2028-ci illər üçün Dövlət Proqramı”na ayırmaları isə 38,8% azalaraq 12,3 milyon manat olub.
