Universitetlərə ixtisas seçiminin nəticələri bəlli olub. Ali məktəbə qəbul olunan tələbələr sırasında Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin uşaq evi sosial xidmət müəssisələrinin üç sakini də var.
Yurd.Media nazirliyə istinadən xəbər verir ki, agentliyin 1 saylı Uşaq evi sosial xidmət müəssisəsinin sakini Nuray Babək qızı Sasani Bakı Xoreoqrafiya Akademiyasının, 4 saylı Uşaq evi sosial xidmət müəssisəsinin sakini Ayşən Aydın qızı Quliyeva Gəncə Dövlət Universitetinin, 2 saylı Ailə tipli kiçik Qrup evi sosial xidmət müəssisəsinin sakini Zakir Amid oğlu Ələkbərli isə Lənkəran Dövlət Universitetinin tələbəsi adını qazanıblar.
