SÜJET

Sülh gündəliyi Böyük Qayıdış Erməni hərbi cinayətkarların məhkəməsi Bank Süni intellekt
Xocalıya daha 16 ailə qayıtdı

Xocalıya daha 16 ailə qayıtdı

  • 25 noyabr 2025, 16:28
Xocalı

Bu gün 16 ailə Xocalı rayonunun Təzəbinə kəndinə qayıtdı.

Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin ictimaiyyətlə əlaqələr şöbəsindən Yurd.Media-ya verilən məlumata görə, 66 nəfərdən ibarət 16 ailə yenidən bərpa edilən evlərə yerləşdirilib.

Sakinlər doğma yurdlarında qarşılandıqdan sonra, onlara açarları Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin icraçı direktorunun müavini Mahmud Əfəndiyev təqdim edib. O, sakinləri təbrik edərək, onların yeni evlərdə sağlam, xoşbəxt və təhlükəsiz yaşamalarını arzulayıb. M.Əfəndiyev çıxışında qeyd edib ki, işğaldan azad edilmiş ərazilərdə aparılan bərpa və tikinti işləri uğurla davam etdirilir. Bu işlər həm regionda həyatın normallaşmasına, həm də sakinlərin öz doğma torpaqlarına geri dönməsinə xidmət edir.

Yeni məskunlaşan ailələr təhvil verilən evlərin bütün şəraitlə təmin olunduğunu deyərək, göstərilən diqqət və qayğıya görə təşəkkürlərini bildiriblər.

Prime Leasing
SPE Annual Caspian