Bundan sonra Azərbaycanda satmaq öhdəliyi ilə kirayə mexanizmi çərçivəsində ev alanlar onu İpoteka və Kredit Zəmanət Fondu ilə bağladıqları müqavilədən 3 il keçəndən sonra sata biləcəklər.
Bu barədə Yurd.Media-ya Fonddan bildirilib.
İndiyə qədər öhdəliyi 1 ildən sonra ötürmək mümkün idi.
Eyni zamanda evini satanlar azı 5 il dövlətdən kirayəyə mənzil götürə bilməyəcək. Bundan başqa, mexanizmdən faydalanmaq üçün vətəndaşın adında aktiv ipoteka krediti olmamalı, onun kredit tarixçəsi "müsbət" və yaxud "qənaətbəxş" olmalıdır.
