Sosial sığorta daxilolmaları 9%-ə yaxın artıb

Bu ilin yanvar-avqust aylarında Azərbaycanda məcburi dövlət sosial sığorta daxilolmaları 4 546,6 milyon manat təşkil edib.

Bu barədə Yurd.Media-ya İqtisadiyyat Nazirliyi yanında Dövlət Vergi Xidmətindən bildirilib.

Məlumata görə, bu, ötən ilin eyni dövrü ilə müqayisədə 8,8% çoxdur.

Sosial sığorta daxilolmaları proqnozu 105,9% icra edilib. 8 ayda sosial sığorta haqlarının 3 052,7 milyon manatı qeyri-büdcə sektorundan toplanılıb. Bu isə 1 il əvvələ nisbətən 9,5% çoxdur.