Quba rayonunun Vladimirovka kəndinin bir hissəsində qaz təminatı var, lakin digər hissəsi hələ də qazsız yaşayır.
Yurd.Media xəbər verir ki, təxminən bir il əvvəl ərazidə başlanan qazlaşdırma işləri yarımçıq qalıb, bu da soyuq qış aylarında yerli əhali üçün böyük çətinliklər yaradır.
Sakinlər "Baku TV"yə bildirirlər ki, odun bahadır, camaatın almağa pulu çatmır:
"Odunu 400-500 manata limitlə alırıq. Bura şimal bölgəsidir. Burada qış sərt keçir".
Sakinlər "xətlərin pis vəziyyətdə olması, dəyişilməməsi, dirəklərin pis vəziyyətdə olması" səbəbindən tez-tez elektrik verilişində fasilələrlə qarşılaşdıqlarını qeyd edirlər.
Gərginliyin qeyri-sabit olması səbəbindən məişət texnikası sıradan çıxır. Sakinlər bu barədə belə danışıblar: "Televizor, soyuducu tez-tez sıradan çıxır. Soyuducunun yanında işlətməyə transformator alırıq, tez-tez yanır".
