Hacıqabul rayonunda yağan güclü yağış nəticəsində dağlardan gələn sel suları üç kəndi ciddi təhlükə ilə üz-üzə qoyub.
Yurd.Media "İctimai TV"-yə istinadən xəbər verir ki, Arami dağından gələn sel suları Şorbaçı Birinci, İkinci Paşalı və Udulu kəndlərinin ərazilərinə dolub. Xüsusilə Udulu kəndi ərazisində dərələr daşaraq yaşayış evlərinə ziyan vurub.
Sakinlərin sözlərinə görə, həyətyanı sahələr tamamilə su altında qalıb, əkin sahələrinə də ciddi zərər dəyib. Hadisə yerinə aidiyyətip qurumların əməkdaşları cəlb olunub və vəziyyətin nəzarətə götürüldüyü bildirilib. Hazırda zərərin miqyası müəyyənləşdirilir, təxirəsalınmaz tədbirlər görülür.
