Astaranın Kijəbə qəsəbə sakini Elşad Babayev evində yeni quraşdırılan elektrik sayğacı ilə bağlı problemlə qarşılaşıb.
Yurd.Media xəbər verir ki, may ayında ona məxsus evdə sayğac yanaraq sıradan çıxıb. Bir aydan sonra isə yeni sayğac quraşdırılıb. Növbəti ay işıq pulu qəbzi gəldikdə 63 manat kommunal pulu verməli olduğu qeyd edilib.
Şikayətçi "Xəzər Xəbər"ə açıqlamasında deyib ki, hər ay 8-10 azn ödəniş edib, lakin sayğac dəyişdikdən sonra məbləğ 5-6 dəfə artıq yazılıb.
"Azərişıq" ASC-dən bildirilib ki, 30 may tarixində sayğac quraşdırılmış fərdi yaşayış evinin çöl fasad divarı təmamilə yanıb. Yeni sayğac üçün vətəndaş 84.59 azn ödəniş edib. Abonentin ümumi borcu isə 62.81 azn təşkil edib".
