Bu il yeni doğulan uşaqlara görə 24,7 milyon manat müavinət ödənilib.
Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondundan (DSMF) Yurd.Media-ya bildirilib ki, bu ilin yanvar–iyul aylarında 41 151 nəfərə uşağın anadan olmasına görə proaktiv qaydada birdəfəlik müavinət təyin olunaraq ödəniş edilib.
Müavinət ödənişləri 19 147 nəfər qız, 22 004 nəfər oğlan uşağına görə aparılıb.
Qeyd edək ki, Azərbaycan Respublikası Prezidentinin Fərmanına əsasən 2025-ci il iyulun 1-dən uşağın anadan olmasına görə müavinətin məbləği 600 (altı yüz) manat məbləğində müəyyən edilib.
