Səhərlər rahat və gümrah oyanmağın əsas şərti yuxu rejiminin müntəzəm şəkildə qorunmasıdır.
Yurd.Media xəbər verir ki, hər gecə eyni saatda yuxuya getmək və hər səhər eyni vaxtda ayılmaq orqanizmin bioloji saatını sabitləşdirməyə kömək edir. Yuxudan durduqdan sonra təbii günəş işığına məruz qalmaq bədəndə oyanıqlıq hormonlarının fəallaşmasını təmin edir.
Səhər gözünüzü açan kimi telefona və sosial media platformalarına baxmaq əvəzinə, bir neçə dəqiqə dərin nəfəs təmrinləri etmək və bədəni yüngül gimnastika ilə hərəkətə gətirmək məsləhət görülür. Bundan əlavə, axşam saatlarında həddən artıq kofeinli içkilərin və ağır yeməklərin qəbulundan uzaq durmaq da yuxunun keyfiyyətinə müsbət təsir göstərir. Səhər saatlarında fiziki məşq etmək və ya soyuq su ilə üzü yumaq da enerji səviyyəsini yüksəldir və günə canlı başlamağa yardım edir.
Bu sadə vərdişlərin mənimsənilməsi səhərlər yuxulu və gücdən düşmüş halda oyanma problemini əhəmiyyətli dərəcədə azalda bilər.
