Duzlu su ilə yuyunmaq orqanizm üçün bir sıra müsbət nəticələr verə bilər.
Yurd.Media xəbər verir ki, xüsusilə dəniz duzundan hazırlanmış ilıq su dəri səthindəki ölü hüceyrələrin aradan qaldırılmasına, məsamələrin genişlənməsinə və qan dövranının güclənməsinə yardımçı olur.
Duzlu su dəridə bakteriyaların sayını azaltmaqla sızanaq və iltihabi proseslərin yaranmasının qarşısını ala bilər. Bundan başqa, müəyyən tədqiqatlar sübut edir ki, duzlu su ilə duş qəbul etmək əzələ ağrılarını yüngülləşdirə və oynaq narahatlıqlarına müsbət şəkildə təsir edə bilər. Tərkibində maqnezium, kalsium və kalium kimi minerallar olan təbii dəniz duzu bədənin mineral tarazlığının qorunmasına da dəstək verə bilər.
Bununla belə, dermatoloqlar xəbərdarlıq edir ki, duzlu su həssas və quru dəri tipinə malik olan şəxslərdə qıcıqlanma və quruluq problemlərinə yol aça bilər. Buna görə də duzlu su ilə yuyunmadan sonra dərinin nəmləndirilməsi mütləq hesab olunur. Eyni zamanda, bu prosedurun hər gün deyil, həftədə bir və ya iki dəfə həyata keçirilməsi məsləhət görülür.
