Azərbaycan 11 ayda 478 milyon dollarlıq əczaçılıq məhsulları idxal edib

Bu ilin yanvar-noyabr aylarında Azərbaycan 478,1 milyon ABŞ dolları dəyərində əczaçılıq məhsulları idxal edib. 

Bu barədə Yurd.Media-ya Dövlət Gömrük Komitəsindən bildirilib. 

Məlumata görə, bu, ötən ilin eyni dövrü ilə müqayisədə 2,3% çoxdur. 

Son 1 ildə ölkənin əczaçılıq məhsullarının ixracından əldə etdiyi gəlir isə 9,2% azalaraq 2,5 milyon dollara düşüb.