Elmi araşdırmalar sübut edir ki, alma sirkəsi qan şəkəri göstəricilərinə müsbət təsir göstərə bilər.
Yurd.Media xəbər verir ki, mütəxəssislər 15 sağlam könüllünü altı fərqli sınaq yeməyində iştirak etməyə cəlb ediblər.
Təsadüfi qaydada müəyyənləşdirilmiş qida rasionları zeytun yağı, sirkə və ya zeytun yağı, sirkə ilə birlikdə çörək sodası əlavə olunmuş 100 qram xırdalanmış salatdan təşkil olunub. Üç halda sınaq yeməklərinin ardından 50 qram ağ çörək təqdim edilib ki, bu da qanda şəkərin kəskin yüksəlməsinə gətirib çıxarıb. Qandakı qlükoza göstəriciləri yeməkdən öncə və yeməkdən 95 dəqiqə sonra qeydə alınıb.
Araşdırmaçılar müəyyən ediblər ki, sirkə qəbul edən iştirakçılarda qlükoza cavabı 31,4% aşağı düşüb.
Bu araşdırmanın müəyyən məhdudiyyətləri mövcuddur. İlk növbədə, iştirakçı sayının az olması nəticələrin daha geniş əhaliyə tətbiq edilməsini çətinləşdirir. İkinci olaraq, sınaq pəhrizi 2-ci tip şəkərli diabetdən əziyyət çəkməyən şəxslər üzərində aparılıb.
"Rafinə olunmuş karbohidratlardan və şəkərdən uzaq durmaq, sözsüz ki, qanda şəkərin nizamlanmasının ən effektiv üsuludur. Ancaq alma sirkəsi qəbulu da faydalı nəticələr verə bilər. Alma sirkəsinin tərkibində az həcmdə kalium, kalsium və maqneziumdan savayı demək olar ki, heç bir vitamin və ya mineral maddə yoxdur. Buna baxmayaraq, onun tərkibində amin turşuları və antioksidant maddələr mövcuddur", - deyə diyetoloq İqor Strokov açıqlayıb.
