Taksi sürücülərinin 86% imtahanı uğurla keçib.
Dövlət İmtahan Mərkəzindən (DİN) Yurd.Media-ya bildirilib ki, xüsusi hazırlıq keçmiş taksi minik avtomobili sürücüləri üçün keçirilən test imtahanında iştirak etmək üçün 1561 namizəd qeydiyyatdan keçib. Onlardan 1509 namizəd imtahana gəlib. İmtahan nəticələrinə əsasən, 1300 namizəd tələb olunan şərtləri ödəyərək uğur qazanıb.
Qeyd edək ki, imtahan nəticələri ilə bağlı Apellyasiya Komissiyası 24 və 25 sentyabr tarixlərində saat 14:00-dan 17:00-dək Dövlət İmtahan Mərkəzinin elektron imtahanlar korpusunda fəaliyyət göstərəcək.
