“Yol İnşaatçısı” MMC məcburi auditdən yayındığı üçün cərimələndi
“Yol İnşaatçısı” Məhdud Məsuliyyətli Cəmiyyət (MMC) cərimə olunub.
Yurd.Media-nın əldə etdiyi məlumata görə, Maliyyə Nazirliyi Uçot siyasəti şöbəsi tərəfindən MMC barəsində araşdırma aparılıb.
Məlum olub ki, nəqliyyat infrastrukturu, yol tikintisi və təmiri sahəsində fəaliyyət göstərən “Yol İnşaatçısı” 2024-cü il üzrə maliyyə hesabatlarının 2025-ci ildə həyata keçirilməli olan məcburi auditindən yayınıb.
“Yol İnşaatçısı” MMC barəsində İnzibati Xətalar Məcəlləsinin 464-cü maddəsi ilə protokol tərtib edilib.
Sabunçu Rayon Məhkəməsinin qərarı ilə MMC 1500 manat məbləğində cərimə edilib.
