Ağcəbədinin kəndində gigiyena qaydalarının pozulduğu təndir aşkarlanıb.
Azərbaycan Qida Təhlükəsizliyi Agentliyindən Yurd.Media-ya bildirilib ki, Ağcabədi rayonu, Təzəkənd kəndində fəaliyyət göstərən, sahibkar Elvin Yaşar oğlu Vəliyevə məxsus çörək istehsalı sexində yoxlama keçirilib.
Bildirilib ki, yoxlama zamanı sanitariya-gigiyena qaydalarının və normativ hüquqi aktların tələblərinin pozulduğu müəyyən olunub.
Aşkarlanan nöqsanlarla bağlı sahibkar barəsində inzibati protokol tərtib edilib, icrası məcburi göstərişlər verilib və sexin fəaliyyəti məhdudlaşdırılıb.
