Gələn il Azərbaycanda televiziyalara 65 milyon manata yaxın pul xərclənəcək

2026-cı ildə dövlət büdcəsindən “Azərbaycan Televiziya və Radio Verilişləri” QSC-nin (AzTV), İctimai Televiziya və Radio Yayımları Şirkətinin (İTV) və “Mir” Dövlətlərarası Teleradio Şirkəti Azərbaycan Milli Nümayəndəliyinin saxlanılmasına 64,8 milyon manat xərclənəcək.

Yurd.Media xəbər verir ki, bu barədə “2026-cı il dövlət büdcəsi haqqında” qanun layihəsində bildirilir.

O cümlədən, sənədə əsasən, büdcədən AzTV 42,4 milyon manat, İTV 21,8 milyon manat, “Mir” isə 0,6 milyon manat vəsait alacaq.