Azərbaycan Mərkəzi Bankı (AMB) Böyük Britaniyaya məxsus “Chartered Insurance Institute” ilə beynəlxalq səviyyəli tədris proqramının tətbiq edilməsi üzrə ilkin razılıq əldə edib.
Bu barədə Yurd.Media-ya AMB-dən bildirilib.
Məlumata görə, bununla bağlı qurumun baş direktoru Vüsal Qurbanov institutun baş icraçı direktoru Metyu Hillə görüş keçirib. Proqram çərçivəsində sığorta sektorunda çalışan mütəxəssislər, eləcə də bu istiqamətdə karyera qurmaq istəyən şəxslər qlobal nüfuzlu institutun təklif etdiyi sığorta və risk menecmenti istiqaməti üzrə peşəkar təhsil imkanlarından faydalanacaq.
