Bakı–Tbilisi–Bakı marşrutu üzrə hərəkət edəcək qatarların dayanacağı stansiyalar və yola düşmə saat açıqlanıb.
“Azərbaycan Dəmir Yolları”dan (ADY) Yurd.Media-ya bildirilib ki, "Gürcüstan Dəmir Yolları" ilə əldə olunmuş ilkin razılaşmaya əsasən, qatarlar hər gün Bakıdan saat 23:10-da yola düşəcək və növbəti gün saat 08:41-də Tblisiyə çatacaq, Tbilisidən isə saat 21:00-da yola düşməklə növbəti gün Bakıya saat 06:24-də çatacaq.
Bildirilib ki, Bakı–Tbilisi–Bakı marşrutu üzrə qatarlara Azərbaycan ərazisində Bakı Dəmiryol Vağzalı, Biləcəri, Yevlax, Gəncə, Ağstafa və Böyük Kəsik stansiyalarında, Gürcüstan ərazisində isə Qardabani stansiyası və Tbilisi Dəmiryol Vağzalında dayanacaq veriləcək.
