Abşeron yarımadasında illər əvvəl sahə alıb yaşayış evi tikən sakinlər indi mülklərin sənədləşdirilməsində ciddi problemlərlə üzləşiblər.
Yurd.Media xəbər verir ki, bu ərazilərdə tikinti aparmağa icazə verilmir, kənd təsərrüfatı üçün isə yararsız sayılır.
Ərazilər hissələrə bölünərək satıldığından yerdə qalan torpaq kiçik sahələr olaraq qalıb. Nəticədə belə ərazilərdə nə əkin-biçin, nə də heyvandarlıqla məşğul olmaq olur.
Ekspert Elnur Fərzəliyev deyir ki, heç bir hüquqi əsas yoxdursa, həmin torpaqlar "boş qalan sahə" kimi qalır və onun gələcək taleyi dövlət tərəfindən hazırlanan torpaq idarəçiliyi planına uyğun müəyyən edilir.
