Göyçayda kənd yolları təmir olunub, yeni avtobus dayanacağı quraşdırılıb
Yurd.Media xəbər verir ki, Göyçay Rayon İcra Hakimiyyəti başçısının qəbulunda vətəndaşların səsləndirdikləri müraciətləri nəzərə alınaraq Alxasava, Bəydövül, Alpout, Alıkənd və Mırtı kəndlərini əhatə edən avtomobil yolunda təmir işləri aparılıb. Görülən işlər nəticəsində yolun hərəkət üçün daha əlverişli və təhlükəsiz vəziyyətə gətirilməsi təmin olunub.
Bununla yanaşı, sakinlərin rahatlığını təmin etmək məqsədilə Şəkili kəndində yeni avtobus dayanacağı quraşdırılıb.
