Yurd.Medianın “O, investisiya şirkətinə sədr gələndən sonra” layihəsinin növbəti qonağı “Unicapital İnvestisiya Şirkəti” ASC-nin İdarə Heyətinin (İH) sədri Vüqar Namazovdur.
Layihənin məqsədi Azərbaycandakı investisiya şirkətlərinin İH-nə sədrlik edən şəxslərin həmin maliyyə qurumlarının fəaliyyətində nə dərəcədə uğurlu rol oynadığını nümayiş etdirməkdir.
V.Namazova gəlincə isə, o, “Unibank” ASC-yə məxsus investisiya şirkətinə 2023-cü ilin fevral ayından rəhbərlik edir, qiymətli kağızlar sektorunda 17 illik iş təcrübəsinə malikdir. Bunun 13 ili “Bakı Fond Birjası” QSC-nin, 4 ili indiki iş yerinin payına düşüb.
V.Namazovun dövründə “Unicapital”ın aktivləri təxminən 13% artıb. Əgər 2022-cü ilin yekununda investisiya şirkəti 18,4 milyon manat aktivlərə malik olubsa, bu rəqəm 2023-cü ilin yekununda 20,4 milyon manat, 2024-cü ilin yekununda isə 20,8 milyon manat təşkil edib.
Bu illər ərzində “Unicapital”ın xalis mənfəəti isə həm azalıb, həm də artıb. Belə ki, investisiya şirkəti 2022-ci ildə 0,4 milyon manat, 2023-cü ili 0,2 milyon manat, 2024-cü ili isə 0,35 milyon manat mənfəət əldə edib.
“Unicapital” müştərilərinə baş ofisi vasitəsilə xidmət göstərir.
Yurd.Media-da daha əvvəl “O, investisiya şirkətinə sədr gələndən sonra...” layihəsi çərçivəsində:
- Pərvanə Qasımova “CFI Financial İnvestisiya Şirkəti”nə sədr gələndən sonra...
