Bu il yanvarın 1-nə “PAŞA Bank” ASC-nin 84,8 milyon manat vaxtı keçmiş krediti olub.
Yurd.Media xəbər verir ki, bu barədə Bankın illik maliyyə hesabatında bildirilir.
Sənədə əsasən, ötən il yanvarın 1-i ilə müqayisədə kredit təşkilatının problemli kreditləri 12,9% artıb.
Qeyd edək ki, 2022-ci ildə “PAŞA Bank”ın problemli kreditlərinin həcmi 4 dəfəyə qədər artandan sonra növbəti 2 ildə nisbətən azalma müşahidə olunmuşdu. Ötən il isə yenidən bu göstəricinin artması müşahidə olunub.
Azərbaycan Mərkəzi Bankı hələ ki, hesabat tarixinə ölkə üzrə vaxtı keçmiş kreditlərin məbləğini açıqlamayıb.
