Bu ilin I yarısında Azərbaycanın ilkin gəlirlər balansında 907,9 milyon ABŞ dolları defisit yaranıb.
Bu barədə Yurd.Media-ya Azərbaycan Mərkəzi Bankından bildirilib.
Məlumata görə, bu, ötən ilin eyni dövrü ilə 15,8% azdır.
Yanvar-iyun aylarında ölkənin təkrar gəlirlər balansında isə 525,7 milyon dollar profisit olub. Bu isə 1 il əvvələ nisbətən 86,3% çoxdur.
İlkin və təkrar gəlirlər balansı cari əməliyyatlar balansının tərkib hissəsidir. 6 ayda burada profisit 4 737,7 milyon dollar olub. Bu isə 1 il əvvələ nisbətən 2,05 dəfə çoxdur.
