“Bank of Baku”da aparılan yoxlamalarda maliyyə cinayətlərinin qarşısının alınması üzrə qanunvericiliyin tələblərinə əməl olunmadığı üzə çıxıb.
Yurd.Media xəbər verir ki, “Bank of Baku” ASC-də Azərbaycan Mərkəzi Bankının (AMB) apardığı cari nəzarət prosesləri çərçivəsində cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə sahəsində qanunvericiliyin tələblərinin pozulduğu müəyyən edilib.
Bununla əlaqədar Bakı şəhəri Nərimanov Rayon Məhkəməsi tərəfindən İnzibati Xətalar Məcəlləsinin 598.1.1-ci maddəsinə əsasən “Bank of Baku” ASC-nin vəzifəli şəxsi 10 000 manat məbləğində cərimə edilib.
