Azərbaycan İnvestisiya Holdinqinin idarəetməsində olan “Azər-Türk Bank” ASC-nin dividend ödənişi üzrə potensialı nəzərə alınmalıdır.
Yurd.Media xəbər verir ki, bunu Hesablama Palatası “2026-cı il dövlət büdcəsi haqqında” qanun layihəsinə verdiyi rəydə bildirib.
Prezident İlham Əliyev bu il fevralın 25-də imzaladığı “Dövlət maliyyəsinin səmərəli idarə edilməsinin təşkili ilə bağlı əlavə tədbirlər haqqında” fərmanda dövlət mülkiyyətində olan və paylarının (səhmlərinin) nəzarət zərfi dövlətə məxsus olan hüquqi şəxslərin və publik hüquqi şəxslərin xalis mənfəətinin bölüşdürülməsi və dividend siyasətinin ümumi parametrləri ilə bağlı təkliflərin Maliyyə Nazirliyinə təqdim edilməsini tapşırıb.
Hesablama Palatasının əvvəlki rəylərində isə dividendlə bağlı siyasətin hazırlanmasına dair tövsiyə verilib.
