Yurd.Medianın “O, sığorta şirkətinə sədr gələndən sonra...” layihəsinin növbəti qonağı “Meqa Həyat Sığorta” ASC-nin İdarə Heyətinin sədri Emil Ağamalıyevdir.
Layihənin məqsədi Azərbaycandakı sığorta şirkətlərinin İH-nə sədrlik edən şəxslərin həmin maliyyə qurumlarının fəaliyyətində nə dərəcədə uğurlu rol oynadığını nümayiş etdirməkdir.
E.Ağamalıyevə gəlincə isə, o, sığorta şirkətinə 2023-cü ilin may ayından rəhbərlik edir, sığorta sektorunda təxminən 15 illik iş təcrübəsinə malikdir. Bunun 4 ili indiki iş yerinin payına düşüb.
E.Ağamalıyevin dövründə “Meqa Həyat Sığorta”nın aktivləri təxminən 2 dəfə artıb. Əgər 2022-cü ilin yekununda şirkət 19,6 milyon manat aktivlərə malik olubsa, bu rəqəm 2023-cü ilin yekununda 23,55 milyon manat, 2024-cü ilin yekununda isə 40,55 milyon manat təşkil edib.
Bu illər ərzində “Meqa Həyat Sığorta”nın xalis mənfəəti daima artıb. Belə ki, şirkət 2022-ci ildə 0,6 milyon manat, 2023-cü ildə 1,1 milyon manat, 2024-cü ildə isə 1,5 milyon manat xalis mənfəət əldə edib.
“Meqa Həyat Sığorta” müştərilərinə baş ofisi və 2 filialı vasitəsilə xidmət göstərir.
Yurd.Media-da daha əvvəl “O, sığorta şirkətinə sədr gələndən sonra...” layihəsi çərçivəsində:
- Məmməd Atakişiyev “A-Qrup Sığorta”ya sədr gələndən sonra...
- Seymur Əliyev “Atasığorta”ya sədr gələndən sonra...
- Yusif Soltanov “Azsığorta”ya sədr gələndən sonra...
- Uğur İbrahimli “Meqa Sığorta”ya sədr gələndən sonra...
