"Azkredit" ASC bank olmayan kredit təşkilatı (BOKT) 2025-ci ilin yekunları ilə bağlı maliyyə göstəricilərini açıqlayıb.
Yurd.Media xəbər verir ki, kredit təşkilatı ötən il 0,9 milyon manat xalis mənfəət əldə edib. Bu, əvvəlki illə müqayisədə 23% azdır.
Bu ilin əvvəlinə "Azkredit"in aktivləri ötən ilin əvvəlinə nisbətən 0,8% çox - 3,2 milyon manat, o cümlədən kredit portfeli 19,9% çox - 2,85 milyon manat təşkil edib.
BOKT-un öhdəlikləri 1 milyon manat (25% çox), balans kapitalı 2,2 milyon manat (7,7% az), o cümlədən nizamnamə kapitalı 600 min manat (2 dəfə çox) olub.
Qeyd edək ki, "Azkredit" 2019-cu ildə yaradılıb. BOKT-un nizamnamə kapitalı 600 min manat təşkil edir, yeganə səhmdarı Qurban Əsgərovdur, direktoru isə Ceyhun Əliyevdir.
