Bu il yanvarın 1-nə Azərbaycanda məişət avadanlıqlarının alınması ilə bağlı kreditlərin orta illik faiz dərəcəsi ötən il yanvarın 1-i ilə müqayisədə 1 faiz bəndi çox – 26% təşkil edib.
Bu barədə Yurd.Media-ya Azərbaycan Mərkəzi Bankından bildirilib.
Bundan başqa, il ərzində yaşayış sahəsinin təmiri ilə bağlı kreditlərin orta faizi 16%-dən 18%-ə, avtomobil kreditlərinin orta faizi 10%-dən 13%-ə, digər istehlak kreditlərinin orta faizi isə 20%-dən 22%-ə yüksəlib.
Hesabat dövründə kredit kartı vasitəsilə verilən kreditlərin orta illik faiz dərəcəsi isə dəyişməyərək 26% qalıb.
